كلاون

اللعبة دي هتعرفنا مين فيكو الكلاون

طريقة اللعب:

هنوزع كل الكروت على اللعيبة بالتساوي، كل لاعب هيبقى معاه كومة كروت لكن مقلوبة، كل لاعب هيرمي أول كارت عنده ويكشفه على الأرض مع قول كلمة واحدة من (شمس، قمر، سمك، لبن، تمر هندي) بالترتيب، لحد ما يصادف إن الكارت اللي اترمي هو اللي عليه الدور (مثلاً اللي رمى كان دوره يقول سمك والكارت طلع سمك) ساعتها كلنا هنحط إيدينا على الترابيزة وآخر واحد هياخد كومة الورق اللي على الأرض، هنفضل نلعب لحد ما كل اللعيبة تخلص ورقها ويفضل الكلاون لوحده معاه كل الكروت.

لكن خلي بالك في كروت خاصة:

حفلة: كله يحط إيده بسرعة من غير تفكير.

كلاون: سقف مرة واحدة بعدين حط إيدك.

ظابط: اعمل تحية عسكرية بعدين حط إيدك.

؟ : الكارت فيه سهم بيشاور على حد من اللي قاعدين قول اسمه بسرعة بعدين حط إيدك.