كذب ولا حقيقة

عمرك شكيت إن صاحبك بيكدب عليك وهو بيحكي بطولاته؟ لعبة “كذب ولا حقيقة” هي اللعبة اللي هتكشف مين فيكم مؤلف مبدع ومين مبيفوتوش الهوا!

بتوزعو عليكو كل واحد كارت تصويت وكل دور، واحد بيسحب كارت لموقف ناقص، وبيكمله بقصة من حياته.. أو من خياله! الكل هيسمع، هيحلل، ومن حقكم تسألوه 3 أسئلة بس بعد ما يخلص.

لما تخلصو الشخص اللي بيحكي بيحط كارت السؤال في النص ويحط كارت التصويت بتاعه وهو مقلوب موجه بالحقيقة أو الكذب للسؤال، وباقي اللعيبه زيه وبعد كدا بنكشف كلنا مع بعض.

كل لاعب خمن صح (صوّت زي كارت المتحدث) بياخد نقطة.

اللاعب اللي جمع أكبر عدد نقط في آخر اللعب هو الفائز.

ملخص اللعبة:

الراوي: يكمل موقفاً من الكارت (قصة حقيقية أو تأليف).

الجمهور: يسأل 3 أسئلة لكشف الثغرات.

التصويت: الكل يضع كارت (كذب) أو (حقيقة) بشكل سري.

النتيجة: من يطابق توقعه اختيار الراوي يحصل على نقطة.